Kreu i Partisë Demokratike, Lulzim Basha ka ironizuar ditën e sotme Edi Ramën nëpërmjet një fotografie të postuar në rrjetin social Facebook. Basha shprehet se me bekimin e ministrit të brendshëm dhe nën mbrojtjen e policisë Klement Balilaj prej dy ditësh është arratisur dhe nuk gjendet.
“Kjo nuk është rastësi por shërbimi i fundit pas lehtësirave për trafikun e drogës që Sajmir Tahiri i bëri Klement Balilajt. Për 3 ditë me radhë Tahiri u mundua të bindte qytetarët se Klement Balilaj ortak në trafikun e drogës i vëllezërve Habilaj kushërinj të ministrit të brendshëm është i pafajshëm edhe pse CNN e cilësonte si Eskobari i Ballkanit. Dhe pikërisht arratisja e tij vjen pas pamundësisë së Sajmir Tahirit për ti pastruar dosjen sepse hetimi është kryer nga DEA amerikane dhe policia greke”, – shkruan Basha.
Ai shton se qeverisja e inkriminuar dhe e korruptuar në çdo ind e Edi Ramës, e mbushur me oligarkë e banditë, nxori në pak ditë të gjithë tiparet.
“Kjo pra është fotoja e orëve të fundit e bandës që sundon vendin me në krye Edi Ramën. #Shqipëria më mirë pa Edi Ramën”, – përfundon shkrimin që i bashkangjit fotos Basha. /tesheshi.com/
