Lulzim Basha i është përgjigjur ashpër Edi Ramës po në rrjetet sociale por pa fjalë të zgjedhura.
“Partia Demokratike është sot e vetmja pengesë për Edi Ramën që ta shndërrojë tërë vendin në republikë të trafikantëve, gangsterëve, vrasësve. Ai do të donte që të kishte Armando Prenga në vend të qytetarëve. Ai do donte të kishte Armando Prenga në vend të opozitës. Ai do donte të kishte Armando Prenga në vend të ndërkombëtarëve, por projekti i tij është ndërprerë”, shkruan Basha.
Në këndvështrimin e kreut të PD-së, në këtë betejë nuk janë vetëm demokratët.
“Është në fundin e tij dhe zhgërryhet edhe ca kohë me krimin. Demokratët, qytetarët, socialistët e ndershëm, të majtë e të djathtë do ta heqin këtë çiban. Duke u majmur e ngrehur, thjesht po afron theqafjen e tij”, mbyll reagimin e vet kryetari i Partisë Demokratike.
/tesheshi.com/
