Kreu demokrat Basha mbrojti vlerën e një marrëveshjeje të nënshkruar skenën e TK-së me krerët e grupimit që kundërshton prishjen e të vjetrit për të riun.
“I lumtur që kontratën e nënshkruam brenda Teatrit Kombëtar këtë të enjte!”, shkruan Basha, në fundit e një statusi të radhës, ku sjellë në kujtesë atë çfarë ka thënë një vit më parë, ku sipas tij, ndërtimi i teatrit të ri fsheh një aferë 200 milionëshe.
Ndaj, Basha përbetohet dhe me gjuhë militare, duke thënë se:
“Paralajmërimi për Edi Ramën, mafian e ndërtimit dhe mafian e drogës do të formalizohet si një kontratë e Partisë Demokratike me publikun: minat dhe rruspat i presin për çdo projekt korruptiv që do të ndërtohet te Teatri”.
Për kryedemokratin, Teatri i ri mund të ndërtohet dhe gjetiu e ai ekzistuesi të mos preket si aset trashëgimie.
“Unë i kuptoj artistët që kërkojnë një teatër më komod. Ka disa mundësi për një teatër të ri, si në Bulevardin e ri të Tiranës. Teatri aktual restaurohet në shërbim të artit e kulturës por dhe si monument unik i trashëgimisë kulturore të Tiranës”, shprehet Basha. /tesheshi.com/
