Kreu i opozitës Lulzim Basha i është rikthyer sot retorikës politike me drogën ndaj qeverisë Rama. Që pas marrëveshjes së madhe në Maj ai nuk e pati përmendur më hashashin , retorikë mbi të cilën ngriti çadrën e protestës për 3 muaj.
“Aktiviteti më i suksesshëm është droga, çdo institucion është mbushur me kriminelë. Premtoi 300 mijë vende punë, premton shëndetësi falas dhe ulje taksash por asgjë nuk bëri”– tha Basha sot në një takim me punëtorët në Elbasan.
Duke ndjekur stilin e kundërshtarit të tij ai hodhi disa batuta fyese ndaj kryebashkiakut legjendar socialist të Elbasanit.
“Në Tiranë, lali fiku ka shpikur tarifën e shkollës. Lala këtu e ka shpikur? Se këta janë shif rrushi rrushin dhe piqu. E ka zënë hashashi ëë? Hashashi në pleqni, s’ke çfarë t’i bësh”– tha ai duke iu referuar Qazim Sejdinit, të cilin në Elbasan e thërrasin lalë./tesheshi.com/
