Nga Elbasani, kreu demokrat Basha përcolli bindjen se e gjithë bota tashmë është kundër Ramës e pro kauzës së tij për largimin e rivalit politik në krye të qeverisë.
Është ngritur bota mbarë dhe e ka dëgjuar apelin e një populli të bashkuar si rrallë ndonjëherë, është çuar bota në këmbë dhe i thotë mos u ngjit pas karriges, largohu! Është dëgjuar zëri i shqiptarëve në cdo cep të botës dhe tani të gjithë e dinë se kjo është betejë për vlerat e Perëndimit”, tha Basha, duke kërkuar një tjetër mobilizim për protestën e radhës, atë të datës 2 qershor.
Në përgjigje të ofertave të Ramës për dialog, shprehur në gjashtë letra publike, Basha tha nuk do bëjë kurrë pazare, duke i përkthyer si të tilla ftesat e shefit të qeverisë për t’u ulur.
“Qartë dhe prerë, kurrë, kurrë, kurrë dhe asnjëherë pazar në kurriz të shqiptarëve. Në një dialog të vërtetë kombëtar kemi ftuar dhe ftojmë ata që përmes përmbylljes së një kapitulli të tmerrshëm të hapim kapitullin e Shqipërisë si gjithë Europa”, theksoi kryedemokrati. /tesheshi.com/
