PD ka deklaruar se kusht për nisjen e një hetimi të pavarur dhe të plotë për aferën në CEZ është dorëheqja e Ilir Metës. Kreu demokrat, Lulzim Basha tha se se PD do t’I shkojë çështjes deri në fund, deri në nxjerrjen përpara drejtësisë të “kumbarëve të krimit”.
Në një dalje për mediat, Basha tha se dyshja Rama- Meta po kërkon të mbyllë hetimet për CEZ-in, duke hequr dorë nga arbitrazhi me marrëveshje korruptive.
“Rama është ai që hoqi dorë në mënyrë kriminale nga arbitrazhi ku ishte dërguar CEZ nga qeveria paraardhëse, hoqi dorë me një marrëveshje korruptive të bërë pa konsulencën ligjore të avokatëve të Shqipërisë që paguheshin nga paratë e taksapaguesve shqiptarë, hoqi dorë duke ndarë dhe falur CEZ 600 mln euro, fatura të njohura, dhe afro 2 miliardë euro sipas avokatëve mund t’i faturojë Shqipërisë në fund të një procesi në arbitrazh”, tha kreu i PD-së.
Basha ka akuzuar dy liderët e koalicionit qeverisës së “kërcejnë” së bashku për të fshehur të vërtetën e CEZ.
“Këtë fije e ka në dorë kumbari i parë, Edi Rama i cili po mban në presion ortakun e tij me këtë dosje kriminale. Nga ana tjetë kumbari i dytë, Ilir Meta, ka në dorë të nxjerrë aferën e 600 mln eurove që u ndanë me CEZ nga Edi Rama, që u mbyll me marrëveshjen në Parlament. Kjo është tangoja kriminale që kërcehet nga dy kumbarët, e kërncëojnë, godasin njëri-tjetrin dhe mbahen fort për hir të qindra milionë euro para të “, deklaroi Basha./tesheshi.com/
