Kreu i PD-së zyrtare, Lulzim Basha, nisi një takim me bazën, në një tentativë për të testuar mbështetje e për të marrë mbështetje, në një betejë të paprecedent me Berishën. Ky i fundit, i ka vënë afat 8 janarin për të lënë zyrën, pasi pretendon se Basha është shkarkuar nga anëtarësia me referendum.
Nga Dibra, nga ku Basha nisi turin, tha Berisha zgjodhi interesin e tij mbi atë të të gjithë shqiptarëe, nga mënyra se si zgjodhi të sillet ndaj “non grata”-s amerikane;
“Ne nuk kishim në dorë asgjë, në vendimin e aleatit tonë strategjik. As mund ta ndikonim, as mund ta ndalonim. Shpallja “non grata” e Sali Berishës, është një vendim që është marrë nga aleati ynë strategjik Shtetet e Bashkuara të Amerikës.
Ju e dini se për muaj me radhë unë kam punuar me të dhe me partnerët tanë strategjik për të gjetur një zgjidhje. Por në fund, njeriu që me të vërtet ka bërë shumë për këtë parti, por dhe ka marrë shumë nga kjo parti, vendosi interesin e tij personal mbi interesat e demokratëve dhe ç’është më e keqja mbi interesat e të gjithë shqiptarëve.
Kjo është e vërteta e qartë dhe e qëruar, gjithçka tjetër është gënjeshtër e sido që të serviret, prapë gënjeshtër ngelet”, tha Basha gjatë një takimi me strukturat e PD në Dibër.
Në të njëjtën ditë, Berisha nga Vlora tha se Basha është një tradhëtar dhe se ai, në pak kohë, ringriti opozitën e vërtetë. /tesheshi.com/
