Kreu demokrat Basha promovoi nisjen e një turi kombëtar, siç tha, për të folur me rininë. Risi, pritet të jetë pasja e në krah e një aleati gjerman nga CDU-ja, kreun e të rinjve të kësaj force, Tilman Kuban.
“Kjo e enjte shënon nisjen e turit kombëtar për rininë që do të shtrihet anembanë vendit dhe që këtë ta bëjmë në një prani kaq të shquar dhe të nderuar me miqtë nga Gjermania, të partisë sonë simotër, së kancelares Merkel, Tilman Kuban dhe delegacionin që e shoqëron, të gjithë anëtarë të kristian-demokratëve gjermanë. Sot dua në radhë të parë t’u dëgjoj, sfidat, shpresat, dëshirat dhe aspiratat tuaja”, tha Basha në një takim me FRD-në.
Nga ana e tij, aleati gjerman, tha se me Bashën në qeverisje mund të niste një epokë e re për Shqipërinë.
“Ju lutem na ndihmoni ta ndryshojmë këtë vend. Ju lutem, ndihmojeni Lulzim Bashën te jetë kryeministër sa më shpejt të jetë e mundur ju duhet të kaloni vetë, që të jetë kryeministri sa më shpejt të jetë e mundur dhe atëherë, le të nisim një kapitull të ri së bashku si miq. Ky është thebli”, tha kreu i të rinjve të CDU-së. /tesheshi.com/
