Kreu i Partisë Demokratike, Lulzim Baha ka zgjedhur Vlorën për të bërë fushatë, një zonë ku kandidon për deputet kundërshtari i tij Edi Rama.
Përveç premtimeve të fushatës Basha ka premtuar edhe heqjen e moratoriumit për gjuetinë, e vendosur nga qeveria Rama.
“Gjuetia në asnjë vend nuk ndalohet, por normohet dhe kontrollohet, ndalimi i gjuetisë ka pasur një qëllim, të hiqte sytë dhe veshët e gjuetarëve nga mbushja e maleve, kodrave dhe pyjeve të Shqipërisë me hashash. Unë i kam dhënë fjalën Kryesisë Kombëtare të Shoqatës së Gjuetarëve dhe dua këtu nga Vlora ta përsëris për cilindo se do të anulohet moratoriumi për gjuetinë.
Ne do të normojmë sigurisht me norma europiane që kanë ekzistuar dhe më përpara dhe që do të zbatohen në mënyrë rigoroze gjuetinë jo vetëm për shqiptarët por edhe si një degë të fuqishme të zhvillimit të turizmit. Sot policë të korruptuar marrin mijëra euro dhe vinë gjuetarët nga Italia, e dini ju, dhe vrasin pa asnjë kriter”- tha ai.
Qeveria ka vendosur një moratorium 7 vjeçar deri më 2021 për gjuetinë për shkak të problemeve me faunën në vendin tonë që kishte krijuar rrezikimin e disa specieve të zogjve. /tesheshi.com/
