Siç dhe pritej, kreu i PD-së, Lulzim Basha e ka mirëpritur faktin që Meta i ka bënë si kusht Ramës për vijimin e koalicionit që të dëgjojë kërkesat e opozitës.
Sot nga çadra, Basha rezervoi dhe një “Mirësevjen” për kreun e LSI-së, ku prej javësh prej prej tij një mbështetje për llojin e aksionit politik të ndëmarrë.
“Mbrëmë. një nga dy partnerët ka bërë zgjedhjen e tij dhe ne i themi nëse kjo zgjedhje është e sinqertë mirësevjen. Tek Shqipëria e para, shqiptarët të parët. Nuk kemi kërkuar dhe as nuk kërkojmë pazare politike, aleanca në kurriz të qytetarëve shqiptarë, por është rasti t’i drejtoj një thirrje drejtëpërdrejtë njeriut që është identifikur zyrtarisht dhe logjikisht si pengesa e vetme për zgjedhje të lira e të ndershme, njeriu që ka vënë dhe po vë pushtetin e tij dhe karrigen para demokracisë e zgjedhjeve të lira e të ndershme të reflektojë dhe t’i hapë rrugë, sigurisht përmes dialogut politik një qeverie teknike me mbështetje të gjërë politike, e cila do të zbatojë deri në fund ligjin për dekriminalzimin duke nxjerrë çdo person të inkriminuar nga çdo zyrë e shtetit”, tha Basha. /tesheshi.com/
