Duke iu referuar një raporti të DASH (Departamenti Amerikan i Shtetit) mbi pastrimin e parave në Shqipëri, theksuar me nota negative, kreu i opozitës Lulzim Basha ofroi një premtim në ambicien e tij për kryeministër.
“Sot e keni të zezë mbi të bardhë në raportin e DASH mbi pastrimin e parave dhe korrupsionit në botë.
Qeveria s’bëri asnjë përparim të dukshëm. Shkak për pastrimin e parave është vetëm një: qeveria e dështuar e Edi Ramës. Shkak për mungesën e progresit është vetë korrupsioni i mbjellur në administratë, këtë e ndjeni në kurrizin tuaj, s’ka nevojë të kujtoj përgjigjet e antimafias italiane.
Organizata kriminale kanë lidhje me rrjete që veprojnë në Evropë dhe Amerikë të Jugut. Korrupsioni qeveritar është nyja që i mban të lidhura bashkë”, pretendoi Basha.
“Më 25 prill kjo do ndryshojë, garanti jam unë dhe qeveria që do dalë nga vota juaj. Duke filluar nga unë i pari dhe zyrtarët e tjerë të qeverisë do t’ja lirojmë drejtësinë për t’ja vënë prangat çdokujt. Do çlirojmë duart e drejtësisë për t’i vënë prangat të korruptuarve”, tha Basha. /tesheshi.com/
