Kreydemokrati Basha, jurist me profesion, e morri vetë sot barrën e sqarimit të vettingut për politikanët, sipas një propozimi të partisë së tij.
“Modeli është i ngjashëm me ligjin e dekriminalizimit. Modeli është i qartë. Detyra u ngarkohet disa institucioneve. Do jetë proces i pavarur dhe nuk ka lidhje me reformën në drejtësi dhe as vettingun në drejtësi”, tha Basha, pa u thelluar më tej se cilat do jenë këto institucione.
Pretendimit të mazhorancës se kërkon që të dublojë, apo më mirë të shmang SPAK e BKH me këtë formë, Basha iu përgjigj:
“SPAK e Byroja e hetimit kanë mandat hetimit të politikanëve të korruptuar. Vettingu i politikanëve i largon nga institucionet e vendit politikanët e lidhur me krimin.
Janë dy gjëra të ndryshme. Vetingu i nxjerr nga institucionet, SPAK e BKH i çojnë në burg.
Në rastin e vettingut barrën e provës e ka politikani; në rastin e hetimit penal, barra e provës ështe e organit të akuzës. Vetingu i largon nga institucionet e vendit politikanët e lidhur me krimin”, theksoi Basha.
Më herët, kryeministri Rama ka paralajmëruar se propozimin demokrat do dërgohet për shqyrtim në Venecia. /tesheshi.com/
