Protesta e opozitës është futur në ditën e saj të tetë, ndërsa kreu i Partisë Demokratike, Lulzim Basha u shpreh edhe sot i vendosur për rrugën që ka ndërmarrë bashkë me mbështetësit e tij.
Duke folur për një luftë pa kthim, Basha kërkoi largimin e Ramës dhe një qeveri të vullnetit të mirë. Ai tha se zgjedhje me këtë kryeministër nuk ka për të patur.
“Nuk ka dhe nuk ka për të patur zgjedhje fasadë në këtë vend. PD dhe opozita e vendosur t’i shkojë deri në fund vendimit qeveritar. Kush nuk e ka dëgjuar le ta dëgjojë dhe t’i vërë gishtin kokës. Zgjedhje me këtë qeveri dhe këtë kryeministër nuk ka për të patur kurrë më. Kjo nuk është lojë dhe unë nuk ju thirra për lojë. Kjo është një luftë nga e cila do të kthehemi vetëm me fitore. Ju kam pyetur a jeni gati të luftojmë së bashku…
Kjo është një luftë pa kthim. Nga ana tjetër është një grusht njerëzish, një grusht derrash oligarkë që i vjedhin dhe ju vrasin ditë për ditë.
Ata kanë vënë një bast të madh, basti i tyre vlen miliarda. Po jua thotë bota. Miliardat e pasurive të shqiptarëve. Ky është interesi i tyre”, tha Basha./tesheshi.com/
