Dy ditë para nisjes nga puna të komisionit hetomor “Tahiri”, kreu demokrat Basha shpalosi synimet e opozitës
“Në rastin e Saimir Tahirit pushuan së ekzistuari të gjitha institucionet ligzbatuese në vend. Qëllim i komisionit është të zbardhë çfarë ndodhi dhe pse ndodhi për të mos lejuar kurrë më që shteti të kapet nga krimi dhe të kthehet në zgjatim të bandave të drogës.
Ne do të hetojmë si dhe pse ndodhi që e gjithë kupola e policisë u kthye në organizataë kriminale dhe askush në qeverisje nuk reagoi. Si dhe pse ndodhi që megjithë informimet e shumta për përfshirjen e Saimir Tahirit në trafikun e drogës asnjë institucion shtetëror nuk e vuri para drejtësisë.
Si dhe pse ndodhi që vendi u mbulua me drogë sheshit, dhe asnjë institucion shtetëror nuk reagoi dhe nuk bëri asnjë përpjekje për ta ndaluar”, theksoi Basha.
Ndër të tjera, ai pretendoi për një presion të madh politik për ta mbyllur çështjen “Tahiri”. /tesheshi.com/
