Së fundi, Basha e ka pasuruar ligjërimin e tij standart në kuadër të fushatës brenda PD-së për kreun e kësaj force, duke përmendur katër pyka të Ramës në PD, që sipas tij dështuan më 25 prill.
“I kanë rënë përtokë katër pyka që na i kishte futur për të na përçarë deri me 25 prill. Kishte investuar boll në ato 4 pyka. Ia thyet ju, ia thyen demokratët, ia thyen shqiptarët.
Iu rrëzuan si këto kuti kartoni njëra pas tjetërs.
Tani këtë garë të brendshme që na e dikton statuti dhe rregullat që ne sigurisht e vlerësojmë si një thesar të familjes tonë politike, përkundër asaj që na thonë jemi një parti e hapur, një parti e debatit, një parti e garës…,” tha Basha nga Kukësi.
Po cilat janë këto pyka?
Nuk është e vështirë të kuptohet që bëhet fjalë për forca të reja brenda kampit të së djathtës, me personazhe të ish-PD-së, ku veçojnë Topalli, Patozi dhe Murrizi.
Basha e thekson këtë në një kohë që tre rivalë që garojnë ndaj tij, edhe ata po akuzohen nga brenda se po i shërbejnë Ramës. /tesheshi.com/
