Kreu demokrat Basha tha se nëse nuk zbardhet ajo çfarë ka ndodhur gjatë mitingut të djeshëm në kryeqytet, ku dhjetra përkrahës të opozitës, por dhe ai vetë, shfaqën shenja helmimi, kjo do ishte gjynjëzimi i shtetit. Duke folur për herë të parë rreth incidentit të pazakontë, Basha nuk nxitoi ta politizonte duke hedhur akuza ndaj kundërshtarëve politikë, por tha se është e nevojshme të zbardhet ajo çfarë ka ndodhur.
“Mund t’ju them se është detyra e autoriteteve shtetërore të vendosin para përgjegjësisë autorët, kushdo qofshin. Nëse nuk ndodh, kjo është një tjetër provë e gjunjëzimit total të shtetit”, deklaroi Basha. Ai hodhi poshtë zërat sipas së cilave, problemet që u shfaqënnë sy e lëkurë tek shumë të pranishëm në miting, mund ta kishin ardhur nga tollumbacet.
“Kam folur me shumë prej të prekurve, fatmirësisht efektet janë anësore dhe të përkohshme, jo serioze dhe të gjithë janë të vendosur. Të gjithë e dimë që kjo nuk ishte një tullumbace”, theksoi kreu demokrat.
Ai paralajmëroi kthimin në fushatë duke rrugëtuar drejt Fierit për tubim electoral. Ndërsa më parë anulloi një takim në Lushnje. /tesheshi.com/
