Kryedemokrati Lulzim Basha ditën e sotme ishte në qytetin e Tepelenës nga ku foli për qeverisjen e keqe si dhe për rëndësinë e besueshmërisë tek opozita. Ai u shpreh se po ngjizet një konsensus mbarëkombëtar që kështu nuk shtyhet më.
“Ne jetojmë me këtë realitet e duhet të jetojmë me këtë realitet, duhet të përballemi me këtë realitet, duke filluar nga unë i pari”, tha Basha.
Ai u ka kërkuar strukturave demokrate të identifikojnë çdo qytetar në nevojë, të papunë, të varfër apo të prekur nga arbitrariteti qeveritar.
“Ka ardhur koha që ne të kemi jo thjesht një ide, por regjistrin e plotë të familjeve në nevojë, me qëllim që buxheti jonë t’i përgjigjet këtyre nevojave që në ditët tona të para. Familjet në ndihmë ekonomike, do të kenë falas 200 kilovatë nga buxheti i shtetit. Familjet në nevojë ekonomike do të kenë të paguar faturën e ujit nga buxheti i shtetit”, tha Basha./tesheshi.com/
