Basha: Fitorja jonë, përçarja e koalicionit qeverisës

Kreu i Partisë Demokratike, Lulzim Basha, deklaroi nga çadra e protestës se rrëzimi i Republikës së Vjetër do të nisë nga Kavaja. Edhe pse partinë e tij dhe aleatët i la jashtë zgjedhjeve ai cilësoi fitore që përçau të majtën duke i lënë të shkonin vetëm në zgjedhje.
“Opozita qëndroi e bashkuar, siç u dha fjalën qytetarëve dhe refuzoi regjistrimin në një fasadë elektorale të diktuar nga krimi dhe droga. Edhe partitë qeveritare nuk regjistruan koalicionin e tyre dhe kjo është prova më e qartë se 18 qershori ka rënë politikisht, moralisht dhe ligjërisht. Pavarësisht kësaj, republika e vjetër po bën gjithçka për të ngadalësuar vrullin popullor drejt republikës së re.
Vendosëm se zgjedhje pa opozitën nuk ka e nuk mund të ketë. Opozita qëndroi e bashkuar dhe refuzoi regjistrimin me një fasadë të shëmtuar elektorale të diktuar nga krimi. Përballëm partitë qeveritare, nuk ja dolën të regjistrojnë koalicionin e tyre. Dhe koalicioni i tyre i shpërndarë si zogjtë e korbit tregon që 18 qershori ka rënë politikisht, moralisht e ligjërisht,” tha Basha. /tesheshi.com