Kreu demokrat Basha pati ndalesën e radhës në Elbasan, për të denoncuar atë që e konsideron “masakër zgjedhore” të 25 prillit. Ai, aty tha se ky qytet është një arsye se pse s’mund të ketë bashkëpunim me qeverinë.
“Atyre që pyesin pse nuk jeni të gatshëm të bashkëpunoni me Edi Ramën, ju them ejani në Elbasan. Ejani dhe shikoni se si janë bërë njësh pushteti me krimin, krimi me pushtetin”, ishte komenti i Bashës.
Më pas, ai në FR përcolli një mesazh tipik fushate, ndonëse nuk ka asnjë ethe të tillë për momentin.
“Ne e nisëm këtë fushatë në krahun tuaj dhe për ju. Ne do ta vazhdojmë këtë betejë në krahun tuaj dhe për ju deri në fitoren e çdo familje shqiptare deri në fitoren e Shqipërisë”. /tesheshi.com/
