Lideri i opozitës Lulzim Basha ka akuzuar Kryeministrin Edi Rama se i ka bërë presion gjykatës për të rikthyer në detyrë drejtorin e policisë Haki Çako dhe lirimin nga burgu të Elvis Rroshit.
“Sot është një ditë kritike për vendin, sepse çdo mundësi për të patur një hetim të pavarur ndaj një krimi ka rënë. Ka rënë sepse është shteti i përfshirë, me kufje kriminale në vesh duke përgjuar opozitën, biznesmenët, bankierët dhe ambasadorët. Krimi pranohet nga vetë Çako dhe Tahiri, ndërsa drejtësia nuk pranohet. Pse? Sepse Edi Rama është i përfshirë”, ka deklaruar Basha.
Ai ka shtuar se, Rroshi, “i kërkuar edhe nga DEA amerikane për trafik droge dhe pastrim parash.
Ai duhej lënë të kthehej në shtëpi, ndryshe çdo gjyqtar do të ishte përballur me hakmarrjen e Edi Ramës. Kjo është drejtësia që do Rama, një drejtësi që nuk heton, por mbron krimin që bën Edi Rama. Imagjinoni sikur t’i bëjë zap gjykatat me draftin që ka në dorë… Drejtësia që do të kishim do të ishte një gjykatë me juristë të bindur, ku pesha do të binte në anën që ka kandarin e Edi Ramës”, deklaroi kreu i opozitës.
/tesheshi.com/
