Kreu demokrat Basha përcjell një postim së fundi ky në pak rreshta shpalos programin e tij mbi shëndetësinë, gjithnjë në se PD vjen në pushtet.
“Programi ynë për shëndetësinë parashikon:
Rritje të financimit të shërbimit shëndetësor, modernizim dhe decentralizim të tij. Pacienti të jetë i lirë të zgjedhë duke iu njohur pagesa e sigurimeve.
Ndërtimin e ambjenteve te reja spitalore dhe qendrave shëndetësore.
Investimi në burimet njerëzore do të jetë PRIORITETI ABSOLUT.
Paga minimale për mjekët do të arrijë në 1200 euro në muaj.
Paga minimale për infermierët do të arrijë në 700 euro në muaj.
Do të rrisim numrin e personelit duke nisur me një rritje të ndjeshme të numrit të studentëve që diplomohen në Mjekësi. Rritje të financimit për të rritur larmishmërinë e specializimeve dhe kualifikimeve dhe garantimin e kushteve të punës.
Do të luftojmë mafian e ilaçeve, të instaluar nga Edi Rama sapo erdhi në pushtet. Qytetarët sot blejnë ilace të skaduara apo fallso që nuk kanë asnjë efekt në trajtimin e sëmundjeve.
Ne do të rikthejmë barrierat mbrojtëse të standardeve europiane për sigurinë e ilaçeve dhe do të rrisim listën e medikamenteve te rimbursueshme, duke synuar arritjen e mesatares europiane prej 2 mijë medikamentesh nga 440 që është sot dhe duke rritur vlerën e rimbursimit që sot është ne masën 50-60% të vlerës”, shkruan Basha, një dit pas pjesëmarrjes në një konferencë të realizuar nga Fondacioni “Konrad Adenauer” mbi sfidat e sektorit të shëndetësisë në Shqipëri. /tesheshi.com/
