Kreu demokrat Basha ripotencoi faktin se ai është një nip Kosove, thënë kjo për herë të parë para pak javësh, i gjendur nën trysninë politike të dy dëshmitarëve nga Kosova, të cilët e vendosnin atë në pozita kompromentuese si ish-përkthyes i Hagës dhe UNMIKU-t në vitet e pasluftës.
Në një konferencë për mediat me në krah presidenten e përkohshme të Kosovës Vjosa Osmani, Basha tha se me të kryeministër, edhe si nip Kosove, do hiqeshin barrierat mes dy vendeve, duke e konsideruar të tilla dhe pagesën e Rrugës së Kombit ne Kalimash.
“Sot si kryetar i opozitës dhe nesër me përgjegjësinë që do më ngarkojnë qytetarët dhe si nip i juaj, do të bëj gjithçka të rikthejmë bashkëpunimin në nivele më të larta. Sfidat janë të larta do të jenë edhe më të mëdha …”, tha Basha.
Nga ana tjetër, Osmani këmbënguli për një rezulotë të parlamentit shqiptar që dënon krimet serbe.
“Tendenca e Serbisë për të ndryshuar të vërtetën para syve tanë është më e fuqishme se kurrë, të mos e lejojmë që ata të kenë sukses”, tha Vjosa Osmani. /tesheshi.com/
