Lulzim Basha e ka lexuar krejt ndryshe mesazhin e Departamentit Amerikan të Shtetit për Shqipërinë.
Ndërsa numri dy i DASH bëri thirrje që të gjitha partitë të marrin pjesë në zgjedhje, pra të mos bojkotojë asnjëra, kreu i PD nga çadra tha se ka qenë mesazh drejtuar PS-së dhe Edi Ramës që nuk ka zgjedhjet pa opozitën.
Dhe që këtu ka nisur të imitojë Donald Trump në fushatë duke sulmuar mediat kryesore në vend.
“Top-Channel e merr majën e “fake nevvs” sot, për interpretimin allasojçe, sipas qejfit të Edi Ramës, që i bëri prononcimit tim të djeshëm për vettingun. Edi Rama dje tha se: “Është i gatshëm ta shtyjë vettingun pas zgjedhjeve”. Dhe unë iu përgjigja se: “vettingu nuk ka pse të shtyhet pas zgjedhjeve, po do të bëhet menjëherë pas qeverisë zgjedhore”, pra qeverisë që do të përgatisë zgjedhjet, sipas dhe vetëm sipas, konsensusit të 22 korrikut të vitit të kaluar”, theksoi kreu i opozitës, i cili ka shpallur se të hënën do të bllokojë rrugën nacionale në vend. /tesheshi.com/
