Një zhvillimi i fundit në opozitën shqiptare ka përcaktuar se kreu i saj Lulzim Basha nuk do të jetë kandidat për Bashkinë e Tiranës, post të cilin ai e mban prej katër vjetësh; që do të thotë se nuk do të rikandidojë për një mandate të dytë. Kjo tashmë është zyrtare.
Burime të SHQUP-it, thonë se vendimi është marrë nga vetë Basha. Dhe si argument ka qenë rreziku që atij mund t`i vijë si kryetar i PD-së, në rast se nuk fiton sërish Bashkinë.
Dhe kjo është mëse e arsyeshme. Një humbje e Bashkisë së Tiranës nga ana e Bashës, do ia cënonte rëndë kredencialet si kryetar i opozitës.
Këtë fat e pati dhe Rama, por nga mënyra se si e la Bashkinë, ai nuk humbi por fitoi më tepër. Kjo sepse, Bashës i mbeti fatura e rëndë morale e një fitoreje të papastër, gjë që u reflektua dy vjet më vonë në zgjedhjet e përgjithshme, ku Tirana u humb me vota nga ana PD-së.
Por cilat janë ata që do ta zëvëndësojnë Bashën në sfidën e vështirë? Janë këto emra: Arben Ristani, Jorida Tabaku dhe Grida Duma. Kredencialet më të mira deri më tani i gëzon Jorida Tabaku, e cila ka tashmë dhe një përvojë në drejtimin e punëve të Bashkisë, duke qenë nënkryetare e saj. /tesheshi.com/
