Kreu demokrat Basha ka denoncuar rastin e mbylljes së mbi 1700 biznesve në janar, duke e konsideruar këtë si një tregues dëshpërues të situatës ekonomike.
“1747 biznese mbyllën qepenat për të mos i hapur më. Kjo shifër zyrtare, është vetëm për janarin që sapo kaloi, një përkeqësim prej 35 përqind krahasuar me një vit më parë.
1747 biznese që nuk munden më.
Zgjidhni vetë kujt i besoni, dokrrave që predikon Edi Rama për rritje dhe mirëqenie, apo vendimit të dhimbshëm që kanë marrë në janar 1747 biznese për të mos ushtruar aktivitetin, për shkak të taksave të larta, agresionit qeveritar, rënies së konsumit dhe mungesës së perspektivës.
1747 biznese vetëm në janar, që nuk munden më, janë ekonomia reale, janë dëshmia kritike per krizën e rëndë. Janë klithma urgjente për ndryshim të thellë politik dhe ekonomik”, shkruan Basha në FB.
Nga ana tjetër, Edi Rama e nis ditën duke promovuar Shqipërinë “e tij”, e që sipas tij po rilind.
“Dhe me këtë pamje nga perla joniane e gjirit të Jalës që po transformohet cilësisht, si pjesë e Programit të Rilindjes Urbane të Himarës, në prag të sezonit të ri turistik, ju uroj një fundjavë të mbarë”, shkruan Rama. /tesheshi.com/
