Në kulmin e një beteje me Berishën për atë se kush e ka PD-në me vete, Lulzim Basha, kryetari aktual, kërkonm që “krahas vettingut në politikë, me qëllim dhënien fund njëherë e mirë lidhjeve të botës së krimit me politikën, PD do të propozojë ndryshimin e Kodit Penal, në përputhje me Kodin Penal italian (n. 416 ter), duke ashpërsuar dënimet për këdo që kryen krime zgjedhore”.
“Kushdo që pranon drejtëpërdrejtë apo nëpërmjet ndërmjetësve, premtimin për të fituar vota nga elementë të krimit të organizuar, në shkëmbim të parave apo favoreve të tjera, dënohet me 15 vite burg; I njëjti dënim parashikohet edhe për elementët e krimit të organizuar që kanë dhënë premtime të tilla, apo këdo tjetër që rezulton i përfshirë; Nëse politikani i përfshirë në një skemë të tillë, zgjidhet, ai dënohet me 22 vite burg; Politikanit dhe kujtdo që përfshihet në veprimtari të tilla i ndalohet përjetësisht ushtrimi i funksioneve publike”, thuhet në postimin e Bashës.
“Partia Demokratike do të bëjë gjithçka që zëri i qytetarëve shqiptarë të dëgjohet dhe vullneti i tyre të respektohet”, shton kreu demokrat.
Kujtojmë se për zgjedhjet e 25 prillit, të katërtat në radhë të humbura prej tij qysh se morri drejtimin e PD-së, pretendon se ishte një “masakër zgjedhore”. /tesheshi.com/
