“Shpreh solidaritetin dhe mbështetjen totale për kauzën e drejtë të artistëve. Teatri nuk mund të jenë tullat po artistët, është Robert Ndrenika dhe kolegët e tij. Ndaj duke u shprehur mbështetjen tonë totale, paralajmëroj Edi Ramën, që ka 20 vjet që planfikon të ndërtojë kullë tek TKOB, e parlajmëroj të tërhiqet nga ky plan ogurzi. Asnjë veprim nuk mund të kryhet për teatrin dhe me teatrin pa faktorin kryesor që janë artistët, se ata janë teatri”, kështu është shprehur së fundi kryedemokrati Basha, ku siç duket qartazi nga fjalët e tij, ka ngatërruar Teatrin e Operas dhe Baletit me Teatrin Kombëtar. Akronimi i njërit është TKOB e i tjetrit TK.
I prirur politikisht që të dalë në krah të çdokujt që është në përplasje me qeverinë, Basha në nxehtësi e sipër nuk ka mundur të jetë i qartë në deklarimet e tij.
Teatri Kombëtar i Operas dhe Baletit, brenda të cilit është dhe Ansambli Shetëror i Këngëve dhe Valleve, është në proces rikonstruksioni, ndërsa Teatri Kombëtar pritet ose t’i nënshtrohet një rikonstruksioni ose të ndërtohet nga e para, tërësisht i ri, ende e paparcaktuar nga qeveria.
Për te TKOB kurrë nuk është përfolur se do ndërtohet ndonjë kullë, ndërsa te TK-ja, komuniteti i artistëve, duke iu frikësuar asaj që flitej këtu afro 20 vjet më parë për ndërtimin e një ngrehine brenda së cilës do integrohej teatri, por që asnjëherë nuk u provua se ekzistonte, ka dalë tashmë në protestë pasi nuk pranon zhvendosjen tek i riu, “Turbina”. /tesheshi.com/
