Kreu demokrat Basha është treguar gjuhëashpër dhe me 12 prefektët e rinj të emëruar nga Rama. Duke i mëshuar të quajturit të qeverisë bandë e shtetit narko-shtet, kryedemokrati ka damkosur lehtësisht dhe 12 të emëruarit e rinj në detyrën e prefektit, duke i konsideruar dhe ata si “anëtarë bande”.
“Llustraxhiu doli sot me 12 sherbetore te rinj, ne nje perpjekje te deshperuar per ta cuar vemendjen diku tjeter, i zene sic eshte nga skandali i madh i narko-shtetit. Po clidhje kane ca te emeruar, qe as nuk do te marrin fryme pa lejen e tij, kur pushtetin e vertete ai e ndan me kupolen mafioze e me oligarket e tenderave. Sic jane punet, 12 prefektet jane 12 anetaret e rinj te bandes. Ndoshta, ka prej tyre qe nuk jane nisur me ate qellim, por shpejt, do ta shohin veten si notere e sherbetore te habilajve e familjeve mafioze qe jane realisht prefektet e Edi Rames ne 12 qarqet e vendit”, është shprehur Basha, në një postim të orëve të mbrëmjes. /tesheshi.com/
