Në një takim me të rinj që kanë studiuar jashtë, kreu demokrat Basha tha se si një ish-student në Europë kishte ndjerë diferencën në zhvillim mes vendit ku studionte dhe Shqipërisë.
“Edhe unë kam qenë në pozita të tilla. Mos harroni, nuk jam këtu sepse kam qenë këtu përherë.
Kam qenë student jashtë, kam parë me trishtim të madh ndryshimin që rritej midis shoqërisë ku jetoja dhe studioja dhe shoqërisë shqiptare, dhe kam qenë 1000% i bindur, i motivuar që Shqipëria mund të ecte ne hapat e duhur dhe nuk do t’i mungonte asgjë.
Përkundrazi, ne e njohim shoqëritë ku kemi studiuar e punuar, asgjë nuk na mungon, asgjë nuk ju diferencon ju me rininë bashkëkohore europiane“, u Basha atyre.
Kujtojmë, Basha u shfaq në vitin 2005 si emër në KOP-in e PD-së, pak para kthimit në pushtet të kasaj force.
Ai premtoi se do u ofronte mundësi të rinjve që të kthehen në Shqipëri, nëse do vinte në krye të qeverisjes, siç dhe synon.
“Një instrument që përdoret dhe nga vendet e Perëndimit është stimulimi i Startup-eve të reja, pikërisht duke i mundësuar rinisë, të rinjve që duan të krijojnë një sipërmarrje të tyren kredi me interesa të favorshme dhe me një lehtësim, sa i përket kolateralit dhe aspekteve të tjera, sa i përket ndërtimit të modelit të biznesit.
Me të vërtet Shqipëria mund të mos ketë në afat shkurtër mundësi financiare për të ndërtuar një skemë masive në këtë drejtim, por që ta orientojë një mekanizëm me mbështetje shtetërore, një fond garanci shtetërore drejt sektorëve prioritar të zhvillimit, që mund të jenë turizmi apo teknologjia e informacionit, apo të tjera aktivitete prodhuese dhe ekspozuese”, theksoi Basha. /tesheshi.com/
