Për Bashën, PS është “stallë lopësh”.
Këtë, kryedemokrati e tha në më të fundit takim në kuadër të zgjedhjeve për kryetar, ku PD-në e tij e quajti parti debati.
“Dhe lidershipi im në krye të Partisë Demokratike, nuk ka qenë kurrë një lidershipi privilegji, as për vete dhe as për ju, por sakrificash. E kush më mirë se ju është dëshmitari i këtyre sakrificave?
Pavarësisht të gjithë përpjekjeve të kundërshtarit për të na përçarë, jo sot, por sot e mot, që në muajt e parë të lindjes së kësaj partie janë thyer njëra pas tjetrës si shkopinj. Ai e ka kthyer partinë e tij në një stallë lopësh.
Ne bëjmë garë, ne bëjmë debat, ne bëjmë konkurrencë, ne vendosim një anëtarë një votë, dhe ky është një avantazh i padiskutueshëm”, tha Basha.
Dhe sipas tijm ndryshimi i pushtetit do vjen më herët se katër vitet e mandatit zyrtar.
“Kush flet për 2025-ën, është dorëzuar tashmë. Unë nuk jam dorëzuar dhe unë e di që ju s’jeni dorëzuar”, theksoi i pari i demokratëve. /tesheshi.com/
