Në takimin me krerët lokalë demokratë, Basha ka bërë të qartë pozitën e vështirë ku ndodhet PD me SHBA, nëse kjo forcë do merret sërish nga Berisha.
Asgjë për t’u çuditur: PD shpallet e gjitha “non grata”.
“Kemi përgjegjësinë historike, përpara demokratëve dhe shqiptarëve, që të mos lejojmë që partia që në 1992 erdhi në pushtet në partneritet të ngushtë me Shtetet e Bashkuara, që ndërtoi lidhjet më të forta me partnerët perëndimorë, të mos përfundojë ‘non grata’.
Ky është thelbi që disa përpiqen të fshehin nga gjithë kjo histori, si nga ata që e shfrytëzojnë këtë moment për interesa personale, por edhe nga ata që duan të dëmtojnë Partinë Demokratike.
Prandaj të jetë e qartë për të gjithë, ose ne do të jemi një parti e pranueshme për Perëndimin dhe Shtetet e Bashkuara, mikun tonë të madh, ose do të jemi një parti ‘non-grata’. Nuk ka zgjidhje tjetër dhe kushdo me mend në kokë e kupton që është ekzaktësisht kështu”, ka theksuar Basha.
Pra, “bari”(për t’u ngrënë) që ka përmendur metaforikisht ambasadorja Yuri Kim për PD-në, nëse aty vijon të jetë Berisha, aq më pak në krye, është pikërisht një “non grata” për vetë PD-në. /tesheshi.com/
