Kreu demokrat Lulzim Basha ka caktuar këshilltarët e grupit parlamentar, mes të cilëve bie në sy emri i Gazmend Bardhit, që për 4 muaj mbajti postin e ministrit teknik të Drejtësisë, pas marrëveshjes me kryeministrin Edi Rama.
Referuar shkresës që është depozituar në Kuvend nga Edmond Spaho, me cilësinë e kryetarit të grupit parlamentar, veç Bardhit, rolin e këshilltarit do e luajnë edhe Agron Kuliçaj, i cili edhe më parë ka mbajtur këtë funksion.
Ndërkohë dy emrat e tjerë që do të këshillojnë grupin janë Dorian Teliti, i profilizuar në çështjet ekonomike, dhe Edi Lesi në atë mediatike. /tesheshi.com/
