Në vijim të turit të tij mobilizues për protestën e paralajmëruar të 16 shkurtit, kreu demokrat Basha ishte në Fier.
I ndodhur “buzë” Gjanicës, lumin që përshkon përmes këtë qytet, Basha ftoi elektoratin fierak, siç tha, “për ta hedhur në Lanë” – lumin e ngjashëm të Tiranës, njeriun që qeveris Shqipërinë.
“Dëshpërimi, humbja e shpresës, dyshimi, mosbesimi janë armët e fundit të kësaj bande në pushtet, ndaj ju ftoj më 16 shkurt t’ja hedhim në Lanë këto armë që të gjithë së bashku të rindezim motorët e ekonomisë, miërqenës përmes lirive, mundësive, punësimit që do t’i bëjmë realitet përmes planit tonë ekonomik”, tha Basha.
Sipas tij, PD e ka një projekt për ndryshimin e vendit.
“Një qeveri që ka një plan ekonomik për të hapur vende pune, vende pune me paga dinjitoze, me kushte dinjitoze. Ky është prioriteti i PD, ky është prioriteti i grupit tonë parlamentar, ky është prioriteti ynë. Kjo është plotësisht mundur. Kushdo që thotë të kundërtën gënjen dhe i fryn burive të dëshpërimit për hesap të Edi Ramës”, theksoi kreu demokrat. /tesheshi.com/
