Kreu i opozitës Basha, ka kundërshtuar ashpër buxhetin 2018 duke e cilësuar atë si buxheti i pastrimit të parave.
Basha e quajti kriminal programin “1 miliard”, duke thënë se “ka dy qëllime kryesore: pastrimin e parave të drogës dhe krimit, duke vendosur kontrollin mbi ekonominë, privatizimin dhe përqendrimin e infrastrukturës ekonomike në duart e pak oligarkëve duke privatizuar spitalet, shkollat, rrugët dhe çdo infrastrukturë që do t’i vijë në mendje kryeministrit. Kanabizimi i vendit ishte projekti i Edi Ramës ishte mekanizmi që krijoi për të blerë pushtetin dhe për të privatizuar politikën”.
Basha kërkoi nga deputetët që në emër të një ndërgjegjeje shoqërore e kombëtare, të mos ngrinin kartonin jeshil për këtë buxhet. /tesheshi.com/
