Kreu demokrat Basha vijoi një tur takimesh në terren, ku, duke u takuar me tregtarëe bieduar me ta në kuadër të krizës pandemike, akuzon qeverinë për keqmenaxhim të saj, një kartë e fundit e luftës politike.
Ai ishte në Durrës, ku sërish pati takime të tipit brryl më brryl me njerëz të ndryshëm, pas së cilave shkroi në FB.
“Në Durrësin që vuan ende pasojat e tërmetit të nëntorit, pandemia vetëm se e ka thelluar më shumë krizën ekonomike. Në rrugë dhe dyqane, qytetarët që takova më shprehën shqetësimin për mungesën e plotë të ndihmës nga qeveria Rama.
Janë të shumtë dhe në Durrës ata që nuk kanë marrë rrogën e premtuar nga qeveria. Ndërkohë që rihapja e bizneseve me fasha orare të reduktuara veç uljes së xhiros shoqërohet dhe me faturat e larta të energjisë elektrike, tatimeve dhe taksave vendore.
Përditë e më zi shohin durrsakët ndërsa sezoni turistik i këtij viti pritet të jetë i vështirë dhe me humbje të pallogaritshme për turizmin e qytetit. Familje të tëra që do të kenë më pak të ardhura për shtëpitë e tyre pasi një nga burimet kryesore do shterrojë”, shkroi Basha. /tesheshi.com/
