Kreu demokrat Basha, nga Budapesti, udhëheqësia e së cilës edhe pse në BE ka rrëshqitur drejt Moskës nën qeverisjen e Viktor Orban, ka përcjellë po ato mesazhe me të cilat mazhoranca nuk është dakort.
“Korrupsioni dhe kapja e shtetit nga interesat private, futja e grupeve kriminale në gjithë nivelet e qeverisjes, zgjedhjet e manipuluara, ekonomia e dobët që ju shërben vetëm disave janë ato që i mbajnë vendet tona larg të ardhmes europiane.”, ka thënë Basha në një samit të Partive Popullore.
Por sipas qeverisë dhe personalisht Edi Ramës, kjo është nxirrje e imazhit të vendit në arenën ndërkombëtare.
Sipas njoftimit të PD-së, kryetari Basha pati një takim të veçantë me kryeministrin Viktor Orban, të cilin e ka siguruar se Partia Demokratike po punon për alternativën e projektit europian të vendit dhe se është e vendosur ta ndryshojë Shqipërinë duke çliruar politikën, ekonominë dhe shoqërinë nga autokracia dhe monopolet. Por siç dihet tashmë, Orban është shndërruar vetë në “dele të zezë” për BE-në. /tesheshi.com/
