Duke parë një fushatë të nisur nga kryeministri Rama në mvështjetje të fermerëve, kreu demokrat Basha i ka mëshuar fort kësaj gjatë një takimi në Berat.
“Edi Rama pas 3 vitesh nuk mbajti asnjë premtim, nuk bëri asgjë për bujqësinë dhe tani ju kërkon të merrni kredi, ndërkohë që ju kishte premtuar subvencione”,tha Basha gjatë vijimit të turit të tij paraelektoral.
“Pasi e ka telendisur, e ka lodhur, e ka varfëruar në pikën ku i ka zhytur në borxh pas borxhi, ka dalë t’iu thotë fshatarëve që me të vërtetë s’kam bërë gjë për fshatin por tani po ju hap mundësinë që të merrni kredi. Po shteti i këtij 100 milionë euro iu dha 11 njerëzve, klientë të Edi Ramës, ndërtuesit të vilës së Surrelit, ndërtuesit të vilës së Dardhës, ndërtuesit të vilës së Durrësit dhe një grusht sadrinjsh. Për 1.5 milionë fermerë nuk paska subvencione? 92 milionë të tjera i bëri rrush e kumbulla për zyra, për kolltuqe, për perde, për makina, tha kreu demokrat, i cili nga ana e tij theksoi se programin e Partisë Demokratike për bujqësinë, parashikohen rreth 100 milionë euro subvencione direkte për fermerët. /tesheshi.com/
