Mijëra spanjollë kanë dalë në shesh mbrëmë për të manifestuar kundër terrorizmit dhe kundër urrejtjes.
Në manifestimin që sipas medias spanjolle ka qenë “historik” ka marrë pjesë edhe Mbreti Filipi VI, i cili në fillim është fishkëllyer, ndërkohë që presidenti i Katalonjës Carles Puigdemont.
Një banderolë e madhe kishte të shkruar “nuk kam frikë”, ndërkohë që kryeministri spanjoll Mariano Rajoy jo vetëm është fishkëllyer, por pjesëmarrësit kanë thirrur: “fora, fora”, pra “jashtë”!.
Në një farë mënyre, manifestimi ka qenë edhe një demonstrim politik për të mos ndaluar axhendën indipendentiste të Katalonjës, për të cilën u fol se mund të pezullohet pikërisht nga aktet terroriste.
Madje shërbime sekrete perëndimore, bënë të ditur për disa media franceze e gjermane se ka një axhendë për ta ndalur furinë e katalanasve për pavarësi.
Më 1 tetor është planifikuar të zhvillohet referendumi për pavarësinë e Katalonjës, që sipas të gjitha gjasave do të japë një rezultat që nuk pëlqehet nga Madridi. /tesheshi.com/
