Blaugranasit kanë mposhtur 3:1 Athletic Bilbaon në ndeshjen e kthimit të çerekfinales së Kupës së Spanjës. Skuadra e drejtuar nga Luis Enrique, merr biletën drejt gjysmëfinales, vetëm pas 45 minutave të pjesës së dytë, meqenëse në fraksionin e parë të lojës u befasuan nga miqtë e Athletic Bilbao-s.
Në fakt, baskët dolën me një imazh të mirë nga Camp Nou, meqenëse u treguan një rival i denjë për nikoqirët gjatë gjithë ndeshjes. Ishte futbollisti Williams që kalon “luanët” në epërsi pas një pasimi nga Aduritz, (0-1).
Ndërkohë, në pjesën e dytë të lojës, vendasit reagojnë përmes golave të Luis Suarez, Gerrard Pique dhe Neymar, që në minutat shtesë realizon për të përmbysur epërsinë 0:1 të Bilbaos, njëherit për siguruar kualifikimin tutje të blaugranasve.
Bashkë me Barcelonën, në gjysmëfinale u kualifikua edhe Celta Vigo që mposhti Atletico Madridin.
/tesheshi.com/
