Blaugranasit janë ndalur sërish në një barazim, kësaj radhe nga Deportivo La Coruna në Camp Nou, (2-2). Në fakt, azulgranët kishin epërsinë prej dy golave, por fundi i ndeshjes ishte fatal për ta, duke i lëshuar kështu dy pikë që mund të jenë të arta në fund për titullin kampion.
Lionel Messi dhe Ivan Rakitiç, realizuan nga një gol secili më i mirë se tjetri, për t’i dhënë epërsinë ndoshta të vonuar katalanasve. Minutat e fundit të ndeshjes edhe njëherë tjetër ishin fatale për të besuarit e Luis Enriques, që me mendje kishin mbërritur në Japoni, vendin ku do zhvillojnë duelet për kampionatin e klubeve.
Lucas Perez dhe Alejandro Bergantinos kanë qëlluar dy herë në portën e Claudio Bravos, për të rrëmbyer një pikë shumë të vlefshme nga një udhëtim mjaft i vështirë në Barcelonë. /tesheshi.com/
