Napoli ka refuzuar ofertat për dy yjet e skuadrës, ku njëra ishte e Barcelonës për Lorenzo Insignen dhe tjetra nga Manchester City për Kalidou Koulibaly.
Afati kalimtar veror i transferimeve është mbyllur dhe skuadra italiane mbajti skuadrën e tyre të paprekur.
Nuk ishte e lehtë, shkruan La Gazzetta dello Sport, por presidenti Aurelio De Laurentiis hodhi poshtë propozimet masive nga skuadrat e mëdha evropiane për yjet e tij.
Gazeta italiane raporton se Barcelona ka bërë një ofertë përfundimtare me vlerë prej 100 milionë euro për të tunduar largimin e Insignes, por Napoli ia ka mbyllur derën edhe përkundër kësaj oferte të lartë.
Barça nuk arriti të sjellë ndonjë ofrim të fundit në afatin kalimtar që u mbyll mbrëmë (e premte), ku më i kërkuari ishte Philippe Coutinho i Liverpoolit.
Napoli gjithashtu thuhet se hodhi poshtë edhe një ofertë prej 65 milionë eurove të Manchester Cityt për mbrojtësin Koulibaly. /tesheshi.com/
