Federata e futbollit spanjoll ka mbledhur mbi 200 fëmijë në një turne të organizuar në Miami të Amerikës. I pranishëm ishte edhe legjenda e klubit madrilien, Raul Gonzales, i cili u pa i afërt më fëmijët deri sa kërkoi edhe një foto me njomakët e klubit blaugrana, rivalit të përbetuar. Por, kërkesa nuk u realizua, pasi përfaqësuesi i Barcelonës urdhëroi fëmijët të shkonin në gjumë.
“Raul përshëndeti lojtarët e të gjitha ekipeve në Miami, duke bërë edhe nga një foto me ta, përveç atyre të Barcelonës, që nuk u lejuan nga përfaqësuesit e tyre”, ka shkruar Ramon de la Morena, gazetar në mediumin spanjoll Cadena Ser, që gjithashtu ishte i pranishëm në këtë ngjarje.
I pranishëm ishte edhe vetë presidenti i La Ligas, Javier Tebas, që shprehu haptazi indinjatën e tij lidhur me këtë veprim aspak sportiv të përfaqësuesve blaugrana.
Raul ishte ftuar në këtë turne si një ambasador, pas pensionimit në NY Cosmos, në fund të sezonit MLS. Këtë vit në turne marrin pjesë 17 ekipe: Real Madrid, Atletico Madrid, Barcelona, Sevilla, Celta Vigo, Villarreal, Valencia, Dortmund, Juventus, Crystale Palace, Aspire Academy, Sagan Tosu, Chicago Fire, Orlando City, Weston, Amerika dhe Estudiantes. /tesheshi.com/
