Luis Enrique, trajneri i Barcelonës, vendosi të luajë me 10 futbollistë në 15 minutat e fundit të ndeshjes me Villanovanse, pas lëndimit të mbrojtësit Jeremy Mathieu, edhe pse kishte mundësi t’i zëvendësonte edhe dy futbollistë.
Neymar, Luis Suarez dhe Iniesta ishin në bankinë, por Enrique nuk deshi të rrezikonte asnjërin prej tyre, duke vendosur të luajë me 10 futbollistë në minutat e fundit të ndeshjes.
Barcelona që shkatërroi skuadrën modeste, Villanovanse (6-1), është favorit për të kaluar në fazën tjetër të garave. Dhe ishte e natyrshmë që tekniku Enrique të bëntë zgjedhjen e pazakontë, duke qenë se ndeshja ishte vendosur dhe epërsia ishte e lartë në gola. /tesheshi.com/
