Blaugranasit nuk kanë hasur asnjë rezistencë ndërsa kanë zhvilluar në transfertë ndeshjen e prapambetur ndaj Sporting Gijonit, të vlefshme për kampionatin spanjoll.
E thjeshtë ka qenë detyra e katalanasve, që e kanë zotëruar thuajse tërë lojën, me topin në këmbët e tyre në 76 për qind të kohës.
I zakonshmi Messi do t’i ndryshonte shifrat në minutën e 25-të, kur edhe do të merrnin udhë golat e Barcelonës. Disi të entuziazmuar, vendasit e Gijonit barazojnë dy minuta më pas, me Carlos Castro-n, por vetëm kaq. Messi shënon edhe një herë tjetër, për t’u pasuar nga një goli i Suarez-it.
Uruguajani humbet edhe një 11-metërsh; e teta penallti e humbur nga katalanasit në 16 të tilla gjatë këtij sezoni. Rezultati përfundimtar 1-3 shënon dhe fitoren e 19-të për Barcelonën në këtë kampionat në 24 takime, aq sa nuk ka asnjë skuadër tjetër.
Tashmë diferenca e Barcelonës me ndjekësit është thelluar. Me 60 pikë në krye të klasifikimit, Barcelona ndiqet nga dy skuadrat e kryeqytetit spanjoll, Atletiko e Reali, përkatësisht me 54 e 53 pikë. /tesheshi.com/
