Të të mungojë një lojtar si Luka Modriç në një ndeshje si ajo kundër Barcelonës është një minus i madh. Mesfusha padyshim është pika më e fortë për Los Blancos, të cilët shpresojnë se nuk do t’a ndjejnë shumë mungesën e kroatit në Camp Nou.
Por duket se Zidane ka gjetur zëvendësuesin e Modriç, pasi në stërvitjen e sotme ka përdorur shumë Mateo Kovaçiç.
Kroati 25-vjeçar shikohet si klonimi i duhur për bashkëkombasin e tij 32-vjeçar.
Modriç padyshim po kalon momentin më të mirë në karrierën e tij dhe në ndeshje si Barcelona çdo kush ia ka nevojën lojtarëve më të mirë.
Sipas Marcas, ky është me të vërtetë rotacioni i duhur, pasi kroati mbulon më mirë se Isco, Asenso, Cabellos dhe Vasques repartin difensiv, duke ia lënë organizimin e lojës në dorë arkitektit, Kroos.
Barcelona – Real Madrid, do të luhet të dielën në orën 22.00, duke qenë finalja e parë e Superkupës së Spanjës.
/tesheshi.com/
