Barcelona ka përforcuar radhët me futbollistin brazilian, Paulinho. Sipas shtypit spanjoll, ky është transferimi i duhur për klubin katalunas që do të luftojë për të gjitha trofetë.
Në fakt, Barcelona ka zyrtarizuar nënshkrimin me Paulinho për 40 milionë euro. Firma e brazilianit për katër sezone do të jepet të enjten, në orën 14:15, në “Camp Nou”.
Ish-lojtari i Tottenham dhe Guangzhou, ka një klauzolë prej 120 milionë eurosh në rast se do të largohet nga katalunasit si bashkatdhetari i tij, Neymar.
Fillimisht Paulinho do të kalojë ekzaminimet mjekësore dhe më pas do të nënshkruajë kontratën. /tesheshi.com/
