Blaugranasit hodhën një hap të sigurt drejt gjysmëfinaleve të Kupës së Mbretit ndërsa fituan 1-2 në duelin e parë çerekfinal ndaj Atletik Bilbaos.
Në takimin e luajtur në “San Mames Barria” të Bilbaos, Barcelona nuk e ndjeu mungesën e Mesit dhe Suarezit, ndërsa rreshtoi në sulm një treshe eksperimentale, të përbërë nga Nejmar, Munir e Arda. Dy prej tyre, Munir e Nejmar, i shënuan edhe golat e katalanasve.
Një fije të hollë shprese për baskët në takimin e dytë pas një jave në “Camp Nou” e dha Aduriz, i cili i ngushtoi shifrat një minutë para përfundimit të lojës.
Ndërkohë, në duelin tjetër çerekfinal, Selta Vigo dhe Atletiko e Madridit i ruajtën golat për ndeshjen kthyese, duke barazuar 0-0. /tesheshi.com/
