Blaugranasit e kanë ulur në gjunjë Valencian në gjysmëfinalen e parë të Kupës së Mbretit. Në takimin e zhvilluar mbrëmë në “Camp Nou” ata kanë fituar 7-0.
Çdo gjë ka filluar me dy gola të shpejtë nga Luis Suarez në minutën e 7-të dhe të 12-të, për t’u pasuar nga një gol tjetër, i shënuar nga Lionel Messi në minutën e 29-të, me pjesën e parë të mbyllur 3-0.
Rezultati mund të ishte thelluar nëse Nejmar nuk do gabonte nga pika e 11-metërshit në fundin e kësaj pjese, me penalltinë e katërt të humbur prej tij në këtë sezon. Valencia do të mbetej gjithashtu me dhjetë lojtarë pas daljes me të kuqe të Shkodran Mustafit.
Shkëlqimi i Mesit dhe Suarezit vazhdoi edhe në pjesën e dytë, ndërsa të dy yjet e sulmit të Barcelonës
shënuan dhe nga dy gola të tjerë.
Ndeshja e kthimit pas një jave është thjesht një formalitet pas këtij rezultati tenistik. Valencia po kalon sezonin më të vështirë në vite, dhe nga një skuadër pretenduese është kthyer në një të nivelit më pak se mesatar.
Gjysmëfinalja tjetër, ajo mes Seviljes dhe Selta Vigos, do të luhet sonte. /tesheshi.com/
