Klubi katalanas nuk do të tentojë transferimin e brazilianit Philippe Coutinho në janar.
Pasi nuk arriti ta transferonte gjatë afatit kalimtar të verës, Barcelona nuk do të bëjë ofertë tjetër për sulmuesin, që shihej pak javë më parë si zëvendësuesi ideal i Neymar.
Kështu raporton e përditshmja spanjolle Marca, e cila shpjegon se arsyeja e tërheqjes së Barcelonës, është debutimi i Coutinhos në Ligën e Kampionëve me fanellën e Liverpoolit dhe se braziliani nuk do të ketë mundësi të luajë me një klub tjetër në këtë edicion të garës më prestigjioze evropiane për klube.
Gazeta nga Madridi, shkruan se Barcelona tani do të kthejë vëmendjen te mesfushori i Nice, Jeam Michael Serri të cilin synon ta transferojë në Camp Nou në afatin kalimtar të janarit. /tesheshi.com/
