Pavarësisht se ndeshje parasezonale, kur sheh në cdo tabelë të shkruar Real Madrid – Barcelona, ndalon të mësosh më tepër se s’bën. Me lojtarë në formë, me lojtarë ende me pushime, apo edhe sikur me ekipin e tretë të luajnë, klasikja ta merr vëmendjen sikur ç’të bëhet.
Sot në orët e para të ditës, El Clasico është luajtur në Shtetet e Bashkuara të Amerikës dhe katalanasit e trajnerit Valverde, kanë fituar me rezultatin 3-2. Barcelona e ka nisur “zjarr” lojën dhe Messi e ka c uar i pari topin në rrjetë, “pa hapur sytë mirë”, që në minutën e tretë të ndeshjes.
Madrilenët nuk e kanë kuptuar se çfarë ka ndodhur, ndaj pas 4 minutash, pësojnë edhe golin e dytë që mban autor Rakitiç. Vetëm pas pësimit të dy golave, Real ka filluar të luajë siç di, edhe pse jo me formacionin më të mirë.
Kroati Kovaçiç ka shkurtuar disavantazhin në minutën e 14-të, ndërsa talenti Asensio, ka barazuar pas rreth 20 minutash. Pas mbylljes paqësore të pjesës së parë, Barcelona e rinis me vrull të dytën dhe është Pique ai që kalon në avantazh katalanasit, duke i çuar shifrat në 3-2.
Ky rezultat ka mbetur i pandryshuar, e Barcelona ka fituar klasiken e parë, edhe pse “jozyrtare”.
Me ose pa zhurmën për Neymar mbi kokë, Messi me shokë, vijojnë të dëshmojnë se janë kundërshtari për tu mundur, në të gjithë botën. /tesheshi.com/
